Rusiya Prezidenti amerikalı həmkarı ilə görüşün səmərəli keçdiyini qeyd edib
Moskva, 16 iyun, AZƏRTAC
Rusiya və ABŞ prezidentləri Vladimir Putin və Co Baydenin Cenevrədə görüşü başa çatıb.
AZƏRTAC xəbər verir ki, görüşdən sonra Rusiya Prezidenti Vladimir Putin mətbuat konfransı keçirib.
Rusiya lideri Prezident Co Bayden ilə görüşün bütövlükdə səmərəli keçdiyini qeyd edərək deyib ki, tərəflər hər iki ölkənin səfirlərinin geri qayıtması, məhkum edilmiş şəxslərin təhvil verilməsinin müzakirə olunması barədə razılığa gəlib, Arktika, Ukrayna, kibertəhlükəsizlik ətrafında vəziyyəti müzakirə ediblər.
Görüşün yekunlarına dair strateji sabitlik barədə birgə bəyanat imzalanıb. Tərəflər nüvə müharibəsinin baş verməsinin mümkünsüzlüyünü vurğulayıblar.
Fəridə Abdullayeva
AZƏRTAC-ın xüsusi müxbiri
Moskva
Bölmənin digər xəbərləri
