Ruslar ötən il Türkiyədə 16 mindən çox mənzil alıblar
Bakı, 17 yanvar, AZƏRTAC
Rusiyalılar 2022-ci ildə Türkiyədə mənzil alan xarici ölkə vətəndaşları arasında lider olublar. Ötən il onlar 16 mindən çox daşınmaz əmlak alaraq iranlıları iki dəfə qabaqlayıb.
AZƏRTAC Türkiyə mediasına istinadla xəbər verir ki, bu barədə ölkənin Milli Statistika İnstitutu məlumat yayıb.
Məlumata görə, rusiyalılar dekabr ayında 2 min 403 mənzil, il ərzində isə ümumilikdə 16 min 312 mənzil alıblar. Siyahıda ötən il Türkiyədə 8 min 223 mənzil alan iranlılar ikinci, 6 min 241 mənzil alan iraqlılar isə üçüncü yerdədir.
Həmçinin ötən il Türkiyədə xarici ölkə vətəndaşlarına 2021-ci illə müqayisədə 15,2 faiz çox - 67 min 490 mənzil satılıb. Əcnəbilərə satılan mənzillərin ümumi payı 4,5 faiz təşkil edib. Ən çox daşınmaz əmlak İstanbulda satılıb - 24 min 953. Antalyada 21 min 860, Mersində isə 4 min 316 mənzil xarici ölkə vətəndaşları tərəfindən alınıb.
Bölmənin digər xəbərləri
