Saatlıda 42 mindən çox ağac əkilmişdir
Saatlı, 3 noyabr (AZƏRTAC). AZƏRTAC xəbər verir ki, bu il Saatlı rayonunda 61,8 hektardan çox sahədə 61 min ədəd şam, göyrüş, çinar, iydə, ağ göyrüş, söyüd, tut, əzgil, liğustur, küknar, sarı şəmşəd, zeytun və qızılı şəmşəd meyvə ağaclarının əkilməsi planlaşdırılmışdır.
Yaz və payız mövsümündə 42,7 hektar sahədə 42 mindən çox ağac əkilmişdir.
Rayonun Əlisoltanlı kəndi ərazisində magistral yol kənarında 7 hektar sahə qrunt sularından təmizlənərək ərazidə yaşıllıq salınmışdır.
Rayon icra hakimiyyətində ”Ekologiya ili” çərçivəsində nəzərdə tutulmuş tədbirlərin həyata keçirilməsi üçün qərargah yaradılmışdır.
Bölmənin digər xəbərləri
