Sabah lisey və gimnaziyaların 5–9-cu siniflərinə qəbul imtahanı keçiriləcək
Bakı, 15 avqust, AZƏRTAC
Avqustun 16-sı saat 10:00-da 2025-2026-cı tədris ili üzrə şagirdlərin yerdəyişmə prosesi imtahanla həyata keçirilən lisey və gimnaziyaların 5,6,7,8 və 9-cu siniflərinə qəbul imtahanı həyata keçiriləcək.
Məktəbəqədər və Ümumi Təhsil üzrə Dövlət Agentliyindən AZƏRTAC-a bildirilib ki, avqustun 26-da isə ibtidai siniflər üçün müsabiqənin müsahibə formatında təşkili nəzərdə tutulur.
İmtahana dair məlumatlar valideynlərin şəxsi kabinetinə göndərilib.
Bakı Avropa Liseyi, Respublika İncəsənət Gimnaziyası və Bülbül adına Orta İxtisas Musiqi Məktəbi üzrə müsabiqələr müəssisələr tərəfindən müəyyənləşdirilmiş tarixlərdə keçiriləcək.
Qeyd edək ki, lisey və gimnaziyalara verilən boş yer və müraciət sayları nəzərə alınaraq bəzi siniflər və müəssisələr üzrə müsabiqə ləğv edilib. Şagirdlər avtomatik olaraq seçim etdikləri müəssisələrə yerləşdiriləcək.
Bölmənin digər xəbərləri
