“Sabah”ın məşqçisinə 7, Qurban Qurbanovun köməkçilərinə 6 oyunluq cəza verilib
Bakı, 11 mart, AZƏRTAC
AFFA İntizam Komitəsi “Sabah”ın məşqçisi Valerio Zuddası 7 oyunluq diskvalifikasiya edib.
AZƏRTAC xəbər verir ki, buna mütəxəssisin Misli Premyer Liqasının XXII turunun “Qarabağ”la matçında (3:3) rəqib komandanın ehtiyat skamyasında əyləşən şəxslərə qeyri-etik jest etməsi səbəb olub. Nəticədə Bakı klubu da 15 000 manat məbləğində cərimələnib.
“Qarabağ”ın məşqçiləri Müşfiq Hüseynov və Zaur Tağızadə isə kütləvi davada iştirak etdiklərinə görə hərəsi 6 oyun cəza alıb. Klub isə ümumilikdə 12 000 manat cərimə ödəyəcək.
Bölmənin digər xəbərləri
