Sabirabadda 12 milyon manatdan çox tikinti-quraşdırma işləri görülüb
Sabirabad, 16 iyun, Aydın Yavərzadə, AZƏRTAC
2023-сi ilin yanvar-may aylarında Sabirabad rayonunda fəaliyyət göstərən tikinti təşkilatları və fərdi sahibkarlar tərəfindən 12 milyon 446,9 min manatlıq tikinti-quraşdırma işləri görülüb ki, bu da keçən ilin müvafiq dövrü ilə müqayisədə 7 milyon 056,2 min manat çoxdur.
Sabirabad Rayon Statistika İdarəsindən AZƏRTAC-ın bölgə müxbirinə verilən məlumata görə, tikinti işlərinin 11 milyon 227 min manatını yeni tikili və yenidənqurma işləri, 67,9 min manatını əsaslı təmir, 482,3 min manatını cari təmir, 669,7 min manatını isə digər tikinti-quraşdırma işləri təşkil edib. Ümumilikdə, yanvar-may aylarında tikinti təşkilatlarının yerinə yetirdikləri tikinti-quraşdırma işlərinin 85 faizi dövlət, 15 faizi isə qeyri-dövlət tikinti təşkilatlarının payına düşüb.
Yanvar-may aylarında istifadəyə verilmiş əsas fondların dəyəri 4 milyon 576,4 min manat, əsas kapitala yönəldilmiş investisiyanın həcmi isə 4 milyon 325 min manat olub. Əsas kapitala yönəlmiş investisiyada tikinti-quraşdırma işlərinin həcmi 4 milyon 22,8 min manat təşkil edib.
Bölmənin digər xəbərləri
