Şahin Diniyev: “Səbail” Türkiyədə üç yoxlama oyununda gücünü sınayacaq
Bakı, 10 iyul, AZƏRTAC
Bu gündən Ərzurumda təlim-məşq toplanışına start vermişik. Gündə iki dəfə olmaqla əsas funksional hazırlıq məşqlərinin üzərində işləyəcəyik.
Bu sözləri AZƏRTAC-a müsahibəsində Bakının “Səbail” futbol klubunun baş məşqçisi Şahin Diniyev deyib.
Mütəxəssis qeyd edib ki, “Səbail” qardaş ölkədə üç yoxlama oyununda gücünü sınayacaq. Komandamız iyulun 16-da “Ərzurumspor”, üç gün sonra “Sivasspor”, ayın 21-də isə “Konyaspor” ilə qarşılaşacaq. Oyunları başa vurduqdan sonra iyulun 23-də Bakıya dönəcəyik. Daha sonra isə çempionata hazırlığı davam etdirəcəyik.
Bölmənin digər xəbərləri
