Salyanda pərakəndə ticarət dövriyyəsi 1,4 dəfə artıb
Salyan, 9 avqust, Aydın Yavərzadə, AZƏRTAC
2023-cü ilin altı ayında Salyan rayonunda 169 fərdi sahibkar, 24 ticarət müəssisəsi, 23 yerlik kənd təsərrüfatı məhsulları bazarı, 100 yerlik heyvan bazarı, 38 yerlik sənaye malları bazarı ticarət fəaliyyəti göstərib.
Salyan Rayon Statistika İdarəsindən AZƏRTAC-ın bölgə müxbirinə verilən məlumata görə, bu ilin yanvar-iyun aylarında istehlak bazarında əhaliyə satılmış istehlak mallarının həcmi əvvəlki ilin müvafiq dövrü ilə müqayisədə 1,4 faiz artaraq 206 milyon 457,4 min manat olub.
Bu ilin yanvar-iyun aylarında əhaliyə satılmış istehlak mallarının 9,4 faizi və ya 19 milyon 329,3 min manatı hüquqi şəxslər, 45,1 faizi yəni, 93 milyon 210,6 min manatı bazarlar, 45,5 faizi yaxud 93 milyon 917,5 min manatı hüquqi şəxs yaratmadan ticarət fəaliyyəti göstərən fərdi sahibkarlar tərəfindən realizə olunub.
Hesabat dövründə istehlak olunan malların dəyərindən 4 milyon 143,7 min manatı və ya 2 faizi dövlət sektorunun, 202 milyon 313,7 min manatı və ya 98 faizi qeyri-dövlət sektorunun payına düşüb.
Bölmənin digər xəbərləri
