Şamaxı şəhərində yeraltı suötürücü xətt çəkilir
Şamaxı, 11 yanvar (AZƏRTAC). Şamaxı şəhəri S.Ə.Şirvani küçəsinin cənub hissəsində çəkilən yeraltı suötürücü xətdə işlər başa çatdırılmar üzrədir. 506 metr uzunluğunda, 1.020 millimetr diametrli metal borular vasitəsi ilə çəkilən bu xətt güclü leysan yağışları nəticəsində yaranan sel sularını yerin altı ilə təhlükəsiz ərazilərə ötürəcəkdir.
Suötrücü xəttin çəkilişini tenderdə qalib gəlmiş “İnşaatçı” firması yerinə yetirir. Rayon icra hakimiyyətindən AZƏRTAC-a bildirmişlər ki, şəhərdə daim ciddi problemlər yaradan sel sularının yeraltı xətlərlə təhlükəsiz ərazilərə axıdılması işlərinə 2010-cu ildən başlanılmışdır. Ötən il M.Ə.Rəsulzadə küçəsində də oxşar tədbir həyata keçirilmişdir.
Bu il isə S.Ə.Şirvani küçəsinin şimal hissəsində və H.Hərimanov küçəsində belə yeraltı suötrücü xətlərin çəkilməsi nəzərdə tutulmuşdur.
Bölmənin digər xəbərləri
