QAN YADDAŞI
Samir Süleymanov: Şəhidlərimizin adı qan yaddaşımıza həkk olunub
Bakı, 20 yanvar, AZƏRTAC
Mən övladlarımla Şəhidlər xiyabanına gələrək Vətənimizin qəhrəman övladlarının əziz xatirəsini yad edirik. Şəhidlər ölməzdir. Onların adı qan yaddaşımıza həkk olunub.
Bu fikri Şəhidlər xiyabanını ziyarət edən Kənd Təsərrüfatı Nazirliyinin əməkdaşı Samir Süleymanov AZƏRTAC-a müsahibəsində deyib. O bildirib ki, həmin gün imperiya ordusu günahsız qocaların, qadınların, uşaqların, gənclərin qanlarını axıdıb, xalqımıza divan tutub.
20 Yanvarın yaddan çıxmayacağını vurğulayan S.Süleymanov şəhidlərin azadlıq, müstəqillik yolunda canlarından keçdiklərini söyləyib.
“Müstəqil Azərbaycan bu gün sürətlə inkişaf edir. Ölkəmizin nüfuzu ilbəil yüksəlir. Bütün bunlar bizi çox sevindirir. İnanırıq ki, Azərbaycanın sabahı daha da parlaq olacaq”, - deyə S.Süleymanov vurğulayıb.