REGİONLAR
Samuxun pərakəndə ticarət dövriyyəsi artıb
Bakı, 5 avqust, AZƏRTAC
Bu ilin yanvar-iyun aylarında Samux rayonunda ticarət, nəqliyyat vasitələrinin təmiri sahəsi üzrə məhsul buraxılışının həcmi 21 milyon 651,7 min manat olub ki, bu da əvvəlki ilin müvafiq dövrünə nisbətən 2 milyon 513,6 min manat çoxdur.
Samux Rayon Statistika İdarəsindən AZƏRTAC-a bildirilib ki, pərakəndə ticarət dövriyyəsi 67 milyon 873,6 min manat olub. Bu da əvvəlki ilin müvafiq dövrünə nisbətən 7 milyon 879,4 min manat çoxdur. Pərakəndə ticarət dövriyyəsinin 46 milyon 681,9 min manatı və ya 68,8 faizi ərzaq məhsulları, içkilər və tütün məmulatlarının, 21 milyon 191,7 min manatı və ya 31,2 faizi isə qeyri-ərzaq məhsullarının payına düşür. Topdansatış ticarət dövriyyəsi 1 milyon 574,6 min manat və əvvəlki ilin müvafiq dövrünə nisbətən 672,3 min manat və ya 74,5 faiz çox olub.
Əhaliyə 18 milyon 823,1 min manatlıq ödənişli xidmət göstərilib ki, bu da əvvəlki ilin müvafiq dövrünə nisbətən müqayisəli qiymətlərlə 14,4 faiz çoxdur. Əhaliyə göstərilən ödənişli xidmətlərin 1 milyon 629,2 min manatını və ya 8,7 faizini məişət xidmətləri təşkil edib.
Fiziki şəxslər tərəfindən əhaliyə 14 milyon 353,6 min manatlıq ödənişli xidmətlər göstərilib. Bu göstərici əhaliyə göstərilən ödənişli xidmətlərin ümumi həcminin 76,3 faizini təşkil edib.
Hesabat dövründə əhaliyə 2 milyon 322,5 min manatlıq iaşə xidmətləri göstərilib. Bu, əvvəlki ilin müvafiq dövrünə nisbətən 680,2 min manat və ya müqayisəli qiymətlərlə 21,1 faiz çoxdur. İaşə xidmətlərinin hamısı fiziki şəxslər tərəfindən göstərilib. İaşə xidmətləri ilə 80 fiziki şəxs məşğul olub.