Sankt-Peterburqda MDB Parlament Assambleyasının iclasları keçiriləcək
Bakı, 25 noyabr, AZƏRTAC
Sankt-Peterburq şəhərində MDB Parlament Assambleyasının Şura toplantısı, plenar sessiyası, sosial siyasət və insan hüquqları, iqtisadiyyat və maliyyə, hüquqi məsələlər, siyasi məsələlər və beynəlxalq əməkdaşlıq üzrə daimi komissiyalarının iclasları keçiriləcək.
Milli Məclisin mətbuat xidmətindən AZƏRTAC-a bildiriblər ki, iclaslarda quruma üzv ölkələr arasında parlamentarizm və demokratiya ənənələrinin möhkəmləndirilməsi, yollarda təhlükəsizliyə diqqətin artırılması, əhalinin reproduktiv sağlamlıq hüquqlarının qorunması, yerli özünüidarəetmə orqanları arasında əlaqələrin gücləndirilməsi sahəsində model qanunlar müzakirə ediləcək.
Azərbaycan Respublikası Milli Məclisi sədrinin müavini Valeh Ələsgərovun başçılıq etdiyi nümayəndə heyəti iclaslarda iştirak etmək üçün noyabrın 26-dan 29-dək Rusiya Federasiyasında səfərdə olacaq.
Nümayəndə heyətinə deputatlardan Arif Rəhimzadə, Elton Məmmədov, Hacı Salayev, Rüfət Quliyev, Mirkazım Kazımov, Fəzail Ağamalı və Elmira Axundova daxildir.
Bölmənin digər xəbərləri
