Şəhidin xatirəsi təhsil aldığı məktəbdə yad edilmişdir
Göygöl, 2 dekabr (AZƏRTAC). Göygöl rayonunun Qızılca kənd orta məktəbində şəhid Natiq Məmmədovun xatirə gecəsi keçirilmişdir.
Gecədə şəhidin qısa, lakin mənalı ömür yolu barədə ətraflı məlumat verildikdən sonra onun müəllimləri, sinif yoldaşları çıxış edərək xatirələrini danışmışlar. Qeyd olunmuşdur ki, xalqımızın digər mərd oğulları kimi, Rafiq də Vətənimizin üstünü qara buludlar alanda könüllü olaraq döyüş bölgəsinə yollanmış, 1990-cı ilin dekabrında Çaykənd uğrunda gedən döyüşlərdə əsl igidlik nümayiş etdirərək qəhrəmancasına həlak olmuşdur. Hazırda Qızılca kənd orta məktəbi onun adını daşıyır.
Xatirə gecəsi məktəblilərin Vətən, şəhidlər və Qarabağ mövzularında söylədikləri şeirlərlə, ədəbi-bədii kompozisiya ilə başa çatmışdır.
Bölmənin digər xəbərləri
