ŞƏMKİRDƏ YENİ SORT ÜZÜM BECƏRİLİR
Şəmkir, 27 sentyabr (AZƏRTAC). Şəmkir rayonundakı “Dan ulduzu” MMC-də ilk dəfə olaraq xəstəliyə davamlı üzümün becərilməsinə başlanmışdır.
Fransız sortu olan bu üzümün məhsuldarlığı yerli sortlardan o qədər fərqlənməsə də, xəstəlik və ziyanvericilərə qarşı çox davamlıdır.
Yerli sahibkar, “Dan ulduzu” MMC-nin rəhbəri Əsgər Əlirzayevin dediyinə görə, bu üzümün Fransadan gətirilmiş tingləri hələlik 40 hektar sahədə əkilmişdir. Tinglər yerli mühitə uyğunlaşsa, gələcəkdə bu sahələrin genişləndirilməsi planlaşdırılır.
Bölmənin digər xəbərləri
