Sərbəst güləş: Azərbaycan Avropa çempionatında ilk qızıl medalını qazanıb
Zrenyanin, 11 mart, AZƏRTAC
Serbiyanın Zrenyanin şəhərində keçirilən U-23 Avropa çempionatında sərbəst güləş yarışları davam edir.
AZƏRTAC xəbər verir ki, 92 kiloqramda çıxış edən Azərbaycan təmsilçisi Ali Tsokayev finalda türkiyəli Fatih Altunbaşla qarşılaşıb. Gərgin keçən görüş idmançımızın qələbəsi ilə yekunlaşıb.
Bununla da Azərbaycan Avropa çempionatında ilk qızıl medalını qazanıb.
Qeyd edək ki, ötən gün Vasif Bağırov (57 kiloqram) ilə Səbuhi Əmiraslanov (79 kiloqram) gümüş, Musa Ağayev (66 kiloqram ), Ramik Heybətov (70 kiloqram) və Zəfər Əliyev (97 kiloqram) isə bürünc medal qazanıblar.
Müxbir: Cavid Əliyev
Bölmənin digər xəbərləri
