Sergey Lavrov Rusiya və ABŞ arasında ikinci görüşə hazırlıq barədə məlumat verib
Moskva, 2 aprel, AZƏRTAC
Rusiyanın xarici işlər naziri Sergey Lavrov “Zvezda” telekanalına müsahibəsində Rusiya və ABŞ arasında ikinci görüşə hazırlıq barədə məlumat verib.
AZƏRTAC xəbər verir ki, onun sözlərinə görə, hazırda telefon və video rabitə vasitəsilə əlaqələr davam edir.
“İstanbulda görüş olub, indi ikinci görüş hazırlanır. Telefon və videokonfrans vasitəsilə təmaslar davam edir”, - deyə Rusiya XİN rəhbəri qeyd edib.
Sergey Lavrov hələlik heç bir proqnoz vermək istəmədiyini, lakin Moskvanın müsbət dəyişikliklər gördüyünü vurğulayıb.
“Biz irəliləyişləri və amerikalı tərəfdaşlarımızın bir-birinin paytaxtında diplomatların normal işinə mane olan, diplomatik praktika nöqteyi-nəzərindən tamamilə qəbuledilməz olan bu maneələri aradan qaldırmaq istəyini görürük”, - deyə nazir bildirib.
Bundan əvvəl tərəflər İstanbulda görüş keçirib, orada ikitərəfli münasibətlər və diplomatik missiyaların fəaliyyəti məsələləri müzakirə olunub.
Fəridə Abdullayeva
AZƏRTAC-ın xüsusi müxbiri
Moskva
Bölmənin digər xəbərləri
