Səudiyyə Ərəbistanı səmasında iki ballistik raket zərərsizləşdirilib
Qahirə, 29 mart, AZƏRTAC
Səudiyyə Ərəbistanının Hava Hücumundan Müdafiə Qüvvələri ölkənin cənubunda yerləşən Cəzan şəhərinin üzərində paytaxt Ər-Riyada istiqamətlənən iki ballistik raketi vurub.
AZƏRTAC xəbər verir ki, bunu Yəməndə husi qiyamçılarına qarşı qanuni hökumətə yardım edən koalisiya qüvvələrinin mətbuat katibi, polkovnik Turki Əl-Maliki bildirib.
Əl-Maliki bildirib ki, husi silahlı dəstələri tərəfindən Yəmənin Səna və Səda şəhərlərindən buraxılan ballistik raketlərin hədəfi Krallığın ərazisindəki mülki obyektlər olub.
Ər-Riyaddakı mülki müdafiə qərargahından bildiriblər ki, vurulan və havada partlayan raketlərin parçalarının yerə düşməsi nəticəsində iki mülki şəxs yaralanıb.
Oqtay Bayramov
AZƏRTAC-ın xüsusi müxbiri
Qahirə
Bölmənin digər xəbərləri
