Şeyxülislam Allahşükür Paşazadə G20 Dinlərarası Forumunda iştirak edəcək
Bakı, 8 avqust, AZƏRTAC
Qafqaz Müsəlmanları İdarəsinin (QMİ) sədri şeyxülislam Allahşükür Paşazadə avqustun 10-da G20 Dinlərarası Forumunda iştirak etmək üçün Cənubi Afrika Respublikasının paytaxtı Keyptaun şəhərinə yola düşür.
QMİ-nin mətbuat xidmətindən AZƏRTAC-a bildirilib ki, avqustun 10-dan 14-dək Keyptaunda keçiriləcək G20 Dinlərarası Forumunun builki mövzusu “İman fəaliyyətdə”dir.
Forum çərçivəsində təşkil olunacaq açılış plenar iclasında şeyxülislam Allahşükür Paşazadə çıxış edəcək. O, həmçinin müxtəlif mədəni proqramlara qatılacaq, tədbir iştirakçıları və rəsmi şəxslərlə görüşlər keçirəcək.
Qeyd edək ki, G20 Sammitləri ərəfəsində təşkil olunan Dinlərarası Forum davamlı fəaliyyət göstərən nüfuzlu beynəlxalq platformadır. Bundan öncə Bolonya, Bali və Puna şəhərlərində keçirilən tədbirlərdə iştirak etmiş QMİ sədri növbəti dəfə tədbirə Forumun prezidenti Kol Dürhamın dəvəti ilə qatılacaq.
Bölmənin digər xəbərləri
