Sinoptiklər bölgələrdə qar yağacağını proqnozlaşdırırlar
Bakı, 11 fevral (AZƏRTAC). Ekologiya və Təbii Sərvətlər Nazirliyi Milli Hidrometeorologiya Departamentindən AZƏRTAC-a bildirmişlər ki, fevralın 12-də Bakıda və Abşeron yarımadasında hava şəraiti dəyişkən buludlu, yağmursuz keçəcək, lakin fevralın 11-dən 12-nə keçən gecə yarımadanın bəzi yerlərində yağıntı olacaqdır. Gündüz güclü cənub-qərb küləyi əsəcəkdir.
Havanın temperaturu gecə 1 dərəcə şaxtadan 2 dərəcəyədək isti, gündüz 6-9 dərəcə təşkil edəcəkdir.
Sinoptiklər bölgələrdə hava şəraitinin yağıntılı olacağını, dağlıq və dağətəyi rayonlarda qar yağacağını bildirirlər. Səhər qərb, gündüz isə şərq rayonlarında yağıntıların tədricən kəsiləcəyi gözlənilir. Gün ərzində hava yağmursuz keçəcək, bəzi yerlərdə güclü cənub-qərb küləyi əsəcəkdir.
Havanın temperaturu gecə 1 dərəcə şaxtadan 4 dərəcəyədək isti, gündüz 7-12 dərəcə, dağlarda gecə 2-7 dərəcə şaxta, gündüz 0-5 dərəcə olacaqdır.
Bölmənin digər xəbərləri
