Sinoptiklər yolların buz bağlayacağını bildirirlər
Bakı, 16 fevral (AZƏRTAC). Ekologiya və Təbii Sərvətlər Nazirliyi Milli Hidrometeorologiya Departamentindən AZƏRTAC-a verilən məlumata görə, fevralın 17-də Bakıda və Abşeron yarımadasında hava şəraitinin yağıntılı olacağı, qar yağacağı, gündüz tədricən kəsiləcəyi gözlənilir. Mülayim şimal küləyi əsəcəkdir. Havanın temperaturu gecə 0-2 dərəcə şaxta, gündüz müsbət 1-3 dərəcə təşkil edəcəkdir.
Sinoptiklər gecə və səhər şəhərətrafı yolların buz bağlayacağını bildirirlər.
Bölgələrdə isə hava yağıntılı olacaq, bəzi yerlərdə sulu qar, qar yağacaqdır. Gündüz qərb rayonlarında qar tədricən kəsiləcək, mülayim qərb küləyi ilə əvəz olunacaqdır.
Gecə 4 dərəcə şaxtadan 1 dərəcəyədək isti, gündüz müsbət 3-7 dərəcə, dağlarda gecə 5-10 dərəcə, gündüz 0-4 dərəcə şaxta olacaqdır. Gecə və səhər yolların buz bağlama ehtimalı var.
Bölmənin digər xəbərləri
