Sinqapur hökuməti də əcnəbilərin ölkəyə girişinə qadağa tətbiq edir
Tokio, 23 mart, AZƏRTAC
Sinqapur hökuməti yeni koronavirusun bu ölkəyə xaricdən gətirilməsi ilə bağlı əcnəbilərin girişinə qadağa tətbiq edəcək.
AZƏRTAC Sinqapur hökumətinə istinadla xəbər verir ki, həmin qərar martın 23-də axşamdan keçmiş qüvvəyə minəcək.
Əlavə olaraq bildirilir ki, bu qərar xüsusi əhəmiyyət kəsb edən sahələrdə, o cümlədən səhiyyə və nəqliyyat sahələrində uzunmüddətli vizaya malik olan şəxslərə şamil edilməyəcək.
Xatırladaq ki, Sinqapur hökuməti artıq bir sıra ölkələrdən gələn əcnəbilərin girişinə qadağa tətbiq edib. Bundan əlavə, dünyanın digər ölkələrindən gələnlər üçün sağlamlıq vəziyyətindən asılı olaraq, evlərində qalmaqla 14 günlük özünütəcrid tələbi qoyulmuşdu.
Bildiriblər ki, bu tədbirə baxmayaraq, ölkədə martın 22-dək qeydə alınan 254 yoluxma halının 70 faizdən çoxu Sinqapura məhz xaricdən gətirilib.
Vüqar Ağayev
AZƏRTAC-ın xüsusi müxbiri
Tokio
Bölmənin digər xəbərləri
