SOCAR Dneprdə raketlə vurulan yaşayış binasında xilasetmə işləri aparanlara pulsuz xidmət göstərir
Kiyev, 15 yanvar, AZƏRTAC
“SOCAR Energy Ukraine” Dnepr şəhərində Rusiya tərəfindən çoxmərtəbəli binanın raketlə vurulması ilə bağlı humanitar aksiya keçirir.
AZƏRTAC xəbər verir ki, SOCAR-ın Dneprdə olan yanacaqdoldurma məntəqəsi dağılan binada xilasetmə işləri ilə məşğul olan şəhər xidmətinin əməkdaşlarının sutkanın istənilən vaxtında dincəlmək və pulsuz yeməklə təmin olunmasını həyata keçirir.
Yanvarın 14-də faciə baş verən gündən şəhər xidmətinin əməkdaşları SOCAR-ın humanitar aksiyasından yararlanırlar.
Qeyd edək ki, “SOCAR Energy Ukraine” müharibə başlayandan bəri Ukraynada təcili tibbi yardım, Fövqəladə Hallar Dövlət Xidmətinin avtomobillərini 200 min litrdən çox pulsuz yanacaqla təmin edib. Məktəblilərə tibbi dəstlər üçün 1 milyon qrivna (25 min dollar) toplayıb.
Emil Hüseynli
AZƏRTAC-ın xüsusi müxbiri
Kiyev
Bölmənin digər xəbərləri
