Son 6 ayda sosial sahədə müraciətlərlə əlaqədar 949 min vətəndaş qəbul edilib
Bakı, 19 iyul, AZƏRTAC
Əmək və Əhalinin Sosial Müdafiəsi Nazirliyi və qurumları tərəfindən bu ilin 6 ayında 949 min vətəndaşın qəbulu həyata keçirilib.
Nazirliyin İctimaiyyətlə əlaqələr şöbəsindən AZƏRTAC-a verilən məlumata görə, onlardan 61 mini nazirliyin Aparatının və qurumlarının, yerli bölmələrin rəhbər şəxsləri tərəfindən, 888 mini nazirliyin Aparatının və qurumlarının, yerli bölmələrin qəbul otaqlarında, habelə DOST mərkəzlərində qəbul edilib.
Eyni zamanda, yanvar-iyun aylarında 1 milyon 145 min 300 (o cümlədən, yazılı və e-qaydada edilmiş 222 min, sosial şəbəkələr üzərindən 57,3 min, Çağrı Mərkəzi vasitəsilə 866 min) vətəndaş müraciəti cavablandırılıb.
Hər bir müraciətin qanunvericiliyin tələblərinə uyğun şəkildə araşdırılaraq cavablandırılması təmin olunub, müraciətlərdə əksini tapan məsələlərlə əlaqədar aidiyyəti tədbirlər görülüb.
Bölmənin digər xəbərləri
