“Sumqayıt” futbol klubu yaponiyalı yarımmüdafiəçi ilə müqavilə imzalayıb
Bakı, 14 yanvar, AZƏRTAC
“Sumqayıt” futbol klubu dövrlərarası fasilədə Diego Kariokadan sonra növbəti futbolçunun keçidini reallaşdırıb.
AZƏRTAC klubun rəsmi saytına istinadla xəbər verir ki, komanda son olaraq Latviyanın “Valmiera” klubunda çıxış etmiş yaponiyalı yarımmüdafiəçi Masaki Murata ilə 1,5 illik müqavilə imzalayıb.
Qeyd edək ki, “Valmiera” ilə ötən mövsüm Latviya çempionu olan Masaki Murata 32 oyunda 2 qol və 4 məhsuldar ötürmə ilə yadda qalıb. O, həmçinin UEFA Avropa Konfrans Liqasında keçirdiyi iki oyunda da bir dəfə fərqlənməyi bacarıb.
Bölmənin digər xəbərləri
