Suraxanı rayonunda marketə saxta əsginas verən əvvəllər məhkum olunmuş şəxs yaxalanıb
Bakı, 26 noyabr, AZƏRTAC
Suraxanı Rayon Polis İdarəsinin 30-cu polis şöbəsinə oktyabrın 28-də Hövsan qəsəbəsindəki marketə bir nəfərin iki ədəd əlli və üç ədəd yüz manatlıq saxta əsginas verməsi barədə məlumat daxil olub.
Daxili İşlər Nazirliyinin mətbuat xidmətindən AZƏRTAC-a bildirilib ki, saxta əsginasları verməkdə şübhəli bilinən qəsəbə sakini, əvvəllər məhkum olunmuş E.Şahverdiyev polis əməkdaşlarının keçirdikləri əməliyyat-axtarış tədbirləri nəticəsində müəyyənləşdirilərək saxlanılıb.
Faktla bağlı təhqiqat davam edir.
Bölmənin digər xəbərləri
