Tarix Muzeyində Cənubi Azərbaycanla bağlı yeni monoqrafiya hazırlanır
Bakı, 12 yanvar, AZƏRTAC
Milli Azərbaycan Tarixi Muzeyinin aparıcı elmi işçisi dosent Əli Fərhadov tərəfindən “Cənubi Azərbaycanda publisistika və mədəniyyət (“Azərbaycan” qəzetinin (1947-1949) materialları əsasında)” adlı monoqrafiya nəşrə hazırlanır.
Bu barədə AZƏRTAC-a muzeydən məlumat verilib. Bildirilib ki, monoqrafiyada Cənubi Azərbaycanda publisistika və mədəniyyət məsələlərindən, müstəqillik uğrunda mübarizələrdən bəhs edilir. Cənubi Azərbaycan milli azadlıq hərəkatında Seyid Cəfər Pişəvərinin rolu, onun rəhbərlik etdiyi və milli mübarizə tariximizdə əhəmiyyətli yeri olan “21 Azər hərəkatı”nın tarixi, 1947-1949-cu illərdə “Azərbaycan” qəzetində dərc olunan müxtəlif mövzularda məqalələrin və digər materialların məzmunu, ziyalıların ictimai fikirləri, dövrün mühüm hadisələri və s. geniş şəkildə araşdırılır.
Bölmənin digər xəbərləri
