Tarlalardan ötən illə müqayisədə 36 faizdən çox yaşıl çay yarpağı yığılıb
Bakı, 14 iyul, AZƏRTAC
Kənd təsərrüfatı məhsullarının yığımı davam edir.
Dövlət Statistika Komitəsindən AZƏRTAC-a bildirilib ki, iyulun 1-nə kimi qarğıdalı da daxil olmaqla tarlalardan 2074,6 min ton və ya keçən ilin müvafiq dövrünə nisbətən 1,1 faiz az dənli və dənli paxlalı bitkilər, 431,3 min ton (1,9 faiz çox) kartof, 831,2 min ton (4,6 faiz çox) tərəvəz, 111,7 min ton (3,1 faiz çox) bostan məhsulları, 161,1 min ton (7,1 faiz çox) meyvə və giləmeyvə, 882 ton (6,9 faiz çox) tütün, 546,2 ton (36 faiz çox) yaşıl çay yarpağı yığılıb.
Bölmənin digər xəbərləri
