Tramp: ABŞ və Ukrayna tezliklə faydalı resurslarla bağlı saziş imzalayacaq
Bakı, 21 mart, AZƏRTAC
ABŞ və Ukrayna ən qısa zamanda faydalı resurslarla bağlı saziş imzalayacaq.
AZƏRTAC xəbər verir ki, bunu ABŞ Prezidenti Donald Tramp Ağ evdə çıxışı zamanı deyib.
Prezident bildirib ki, o, ABŞ-ın kritik resursların çıxarılması ilə bağlı sərəncam verib. "Mühüm mineralların və nadir torpaq metallarının istehsalını kəskin şəkildə artırmaq üçün sərəncam imzaladım. Bu, ölkəmiz üçün mühüm vəzifədir. Bildiyiniz kimi, biz həm də dünyanın müxtəlif yerlərində nadir torpaq metallarının, mineralların və daha çoxunun işlənməsi üçün müxtəlif ölkələrlə müqavilələr imzalayırıq", - deyə Amerika lideri vurğulayıb.
Bölmənin digər xəbərləri
