Tramp miqrantların aksiyasını yatırmaq üçün Milli Qvardiyanın 2 min əsgərini Los-Ancelesə göndərib
Vaşinqton, 8 iyun, AZƏRTAC
ABŞ administrasiyası Los-Ancelesdə qanunsuz miqrantlarla bağlı aksiyanı yatırmaq üçün Milli Qvardiyanın 2 min əsgərini oraya göndərib.
AZƏRTAC-ın məlumatına görə, Prezident Donald Tramp bununla bağlı memorandum imzalayıb.
Prezident Birləşmiş Ştatlar Məcəlləsinin 10-cu maddəsinə əsasən hər hansı üsyanı, məişət zorakılığını, qanunsuz birləşməni və ya sui-qəsdi yatırmaq üçün Milli Qvardiyanı səfərbər etmək səlahiyyətindən istifadə edib.
Los-Ancelesin cənub-şərqindəki Paramount bölgəsində qanunsuz miqrantları müdafiə məqsədilə etiraz aksiyaları keçirilir. Bəzi nümayişçilərin Meksika bayrağını qaldırdığı bildirilir.
Məlahət Nəcəfova
AZƏRTAC-ın xüsusi müxbiri
Vaşinqton
Bölmənin digər xəbərləri
