Tramp: Si Cinpinlə “TikTok” razılaşmasının təsdiqi ilə bağlı irəliləyiş əldə etdik
Vaşinqton, 19 sentyabr, AZƏRTAC
ABŞ Prezidenti Donald Trampla Çinin Sədri Si Cinpin arasında telefon danışığı baş tutub.
AZƏRTAC-ın məlumatına görə, bu barədə Trump “Truth” sosial şəbəkəsində yazıb.
O bildirib ki, tərəflər ticarət, Rusiya ilə Ukrayna arasındakı müharibəni sona çatdırmaq zərurəti və “TikTok” razılaşmasının təsdiqi kimi bir çox vacib məsələlərdə irəliləyiş əldə ediblər.
“Çox yaxşı danışıq idi. Biz yenidən telefonla danışacağıq. “TikTok” razılaşmasının təsdiqini yüksək qiymətləndiririk”, - deyə Tramp əlavə edib.
Məlahət Nəcəfova
AZƏRTAC-ın xüsusi müxbiri
Vaşinqton
Bölmənin digər xəbərləri
