AZƏRTAC-ın müxbiri xəbər verir ki, Fransada Tur de Frans velosiped yarışı zamanı indiyədək iki nəfər ölmüşdür.

İzer departamentində 65 yaşlı Parisli kişi yarışa tamaşa etmək üçün idmançıların keçdikləri dağ yolunun kənarında dayanarkən müvazinətini itirmiş 40 metrlik dərəyə düşərək həlak olmuşdur. Onun yoxluğundan ilk dəfə yaxınları xəbər tutmuşlar. Bir neçə saatlıq axtarışdan sonra onun meyitini dərənin dibində tapmışlar.

Amerikanın Florida ştatından olan 65 yaşlı kişi isə yarışda iştirak edən həmyerlisinə azerkeşlik etmək üçün gəlmişdi. Amma ona həmyerlisinə sona qədər azerkeşlik etmək nəsib olmamışdır. Yarışları həyəcanla izlədiyi vaxt onun ürəyi qəflətən dayanmışdır. Həkimlərin cəhdlərinə baxmayaraq, amerikalı azerkeş dünyasını dəyişmişdir.