“Turizm ili” ilə bağlı yaradılmış işçi qrupunun toplantısında təkliflər müzakirə edilmişdir
Bakı, 5 fevral (AZƏRTAC). Azərbaycanda 2011-ci ilin “Turizm ili” elan edilməsi ilə bağlı Mədəniyyət və Turizm Nazirliyində yaradılmış işçi qrupunun növbəti toplantısı keçirilmişdir.
Nazirliyin turizm şöbəsindən AZƏRTAC-a bildirmişlər ki, toplantıda müxtəlif təşkilatlardan işçi qrupuna daxil olmuş 80-ə yaxın təklif müzakirə edilmişdir.
Müzakirələrin nəticəsi olaraq işçi qrupunun ilkin layihəsi hazırlanmışdır. Layihə bir daha nəzərdən keçirildikdən sonra Mədəniyyət və Turizm Nazirliyinə təqdim olunacaqdır.
Bölmənin digər xəbərləri
