Türkiyədə 5,3 bal gücündə zəlzələ baş verib, xəsarət alanlar var - YENİLƏNİB
Bakı, 10 avqust, AZƏRTAC
Türkiyənin Malatya vilayətində baş verən zəlzələ nəticəsində dağıntı və xəsarət alanlar var.
AZƏRTAC xəbər verir ki, bunu Türkiyənin daxili işlər naziri Ali Yerlikaya bildirib.
Onun sözlərinə görə, hazırda itkilər qeydə alınmayıb. “Bir qəzalı bina dağılıb. Qorxu və təlaşdan hündürlükdən tullanma nəticəsində 22 nəfər yüngül xəsarət alıb", - deyə nazir qeyd edib.
Bildirib ki, səlahiyyətli qurumlar hazırda ərazidə araşdırma aparır.
22:07
Türkiyənin Malatya vilayətində 5,3 bal gücündə zəlzələ baş verib.
AZƏRTAC xəbər verir ki, bu barədə Türkiyənin Fövqəladə Halların İdarə Olunması Agentliyi məlumat yayıb.
Zəlzələ 7 kilometr dərinlikdə qeydə alınıb.
Dağıntı və tələfat barədə məlumat verilmir.
Bölmənin digər xəbərləri
