Türkiyədə son beş ildə bir milyondan çox qanunsuz miqrant saxlanılıb
Ankara, 3 aprel, AZƏRTAC
Bu ilin əvvəlindən Türkiyədə 29 mindən çox qeyri-leqal miqrant saxlanılıb. Eyni zamanda, 2020-ci ildən bəri bu rəqəm 1 milyon 80 min nəfər həddinə yaxınlaşıb.
AZƏRTAC bu barədə Türkiyənin Daxili İşlər Nazirliyinə istinadla xəbər verir.
Nazirliyin məlumatına görə, saxlanılan miqrantların ən çoxu Əfqanıstandandır. Daha sonra Suriya vətəndaşları gəlir.
Bundan əlavə, 2020-ci ildən qeyri-leqal miqrasiyanın təşkili ilə məşğul olan 2169 nəfər saxlanılıb.
Daxili İşlər Nazirliyi Türkiyədə qalmasına icazə verilən əcnəbi vətəndaşların statistikasını da açıqlayıb.
Bu ilin mart ayının ortalarına olan məlumata görə, Türkiyədə 1 milyon 76 min 643 əcnəbiyə yaşamaq icazəsi verilib ki, onlardan 84 min 85-i Azərbaycan vətəndaşıdır.
Ramin Abdullayev
AZƏRTAC-ın xüsusi müxbiri
Ankara
Bölmənin digər xəbərləri
