Türkiyənin daxili işlər naziri: Ötən ilin iyunundan 817 terrorçu zərərsizləşdirilib
Ankara, 15 mart, AZƏRTAC
Türkiyənin daxili işlər naziri Ali Yerlikaya 1 iyun 2023-cü il tarixindən 12 mart 2024-cü il tarixinədək ölkənin müxtəlif regionlarında 817 terrorçunun zərərsizləşdirildiyini bildirib.
AZƏRTAC xəbər verir ki, nazir qeyd olunan dövrdə Türkiyədə 22 min 234 antiterror əməliyyatının aparıldığını, bu çərçivədə 60 yaraqlının öldürüldüyünü, 640 nəfərin ələ keçirildiyini, 117 nəfərin isə silahlarını yerə qoyaraq hüquq-mühafizə orqanlarına təslim olduqlarını qeyd edib.
Türkiyənin DİN rəhbəri terrorizmin maliyyələşdirilməsi kanallarının qarşısının alınmasının vacibliyini vurğulayıb.
“1 iyun 2023-cü il tarixindən 12 mart 2024-cü il tarixinədək cinayətkar qurumların maliyyə axınlarının qarşısının alınması üçün 183 əməliyyat aparılmış, 179 nəfər həbs edilmiş, 28 milyon 678 min lirəlik qanunsuz vəsait müsadirə edilmişdir”, – deyə A.Yerlikaya əlavə edib.
Bölmənin digər xəbərləri
