İQTİSADİYYAT
Türkiyənin Halal Akkreditasiya Qurumunun nümayəndələri ilə görüş keçirilib
![Türkiyənin Halal Akkreditasiya Qurumunun nümayəndələri ilə görüş keçirilib](/files/2023/2/1200x630/16893208996167154401_1200x630.jpg)
Bakı, 14 iyul, AZƏRTAC
Antiinhisar və İstehlak Bazarına Nəzarət Dövlət Xidmətinin nümayəndə heyəti Türkiyəyə səfər çərçivəsində bu ölkənin Halal Akkreditasiya Qurumunun nümayəndələri ilə görüşüb.
İqtisadiyyat Nazirliyi yanında Antiinhisar və İstehlak Bazarına Nəzarət Dövlət Xidmətindən AZƏRTAC-a bildirilib ki, görüşdə keyfiyyətin infrastrukturu sahəsində sistemli yanaşmanın vacibliyi vurğulanıb, qurumlar arasında texniki dəstək və əməkdaşlıq perspektivləri müzakirə edilib. Həmçinin halal infrastrukturun yaradılmasında beynəlxalq qabaqcıl praktikanın tətbiqi imkanları ilə bağlı təcrübə mübadiləsi aparılıb.