Türkiyənin XİN başçısı ABŞ-a rəsmi səfər edəcək
İstanbul, 6 mart, Günel Karatepe, AZƏRTAC
Türkiyənin xarici işlər naziri Hakan Fidan martın 7-də ABŞ-a rəsmi səfər edəcək.
AZƏRTAC xəbər verir ki, bu barədə Türkiyə Xarici İşlər Nazirliyindən bildirilib.
Məlumata əsasən, ikigünlük səfər çərçivəsində Türkiyə-ABŞ Strateji Mexanizm Dialoqunun növbəti toplantısı keçiriləcək. Hakan Fidanın ABŞ Dövlət katibi Antoni Blinken ilə görüşü də nəzərdə tutulur. Görüşdə regional və qlobal məsələlər, habelə ikitərəfli münasibətlər ətrafında fikir mübadiləsi aparılması gözlənilir.
Bölmənin digər xəbərləri
