Türkmənistanda imzalanan sənədlər hər üç dövlətin maraqlarına tam cavab verir
Bakı, 14 dekabr, AZƏRTAC
Dekabrın 14-də Türkmənbaşı şəhərində Azərbaycan Respublikasının Prezidenti İlham Əliyev, Türkiyə Respublikasının Prezidenti Rəcəb Tayyib Ərdoğan və Türkmənistan Prezidenti Sərdar Berdiməhəmmədov arasında keçirilən görüş əslində üç dövlət başçısının birinci sammiti idi. Səfər çərçivəsində imzalanan sənədlər, keçirilən görüşlər ölkələrimiz arasında münasibətlərin yeni bir inkişaf səviyyəsinə qalxacağını göstərir.
Bu sözləri AZƏRTAC-a açıqlamasında politoloq Fikrət Sadıxov deyib.
İmzalanan sənədlərin hər üç dövlətin maraqlarına tam cavab verdiyini diqqətə çatdıran politoloq əlavə edib: “Eyni zamanda, hazırda dünyada baş verən hadisələr fonunda, yeni çağırışlar kontekstində bizim münasibətlərimiz müxtəlif sahələrdə, xüsusilə təhlükəsizlik, müdafiə və müdafiə sənayesi istiqamətində inkişaf edəcək. Bütün bunlar hər üç dövlət üçün əhəmiyyət daşıyan məqamlardır”.
Bölmənin digər xəbərləri
