UEFA Kosovo klubuna texniki məğlubiyyət verib
Bakı, 13 avqust, AZƏRTAC
UEFA Çempionlar Liqasının ilkin təsnifat mərhələsində Şimali İrlandiyanın “Linfild” klubu ilə oyun öncəsi iki futbolçusu koronavirusa yoluxan “Drita”ya (Kosovo) texniki məğlubiyyət verib.
AZƏRTAC xəbər verir ki, Kosovo təmsilçisi Şimali İrlandiya klubunu avqustun 11-də qəbul etməli idi. Lakin meydan sahiblərinin iki futbolçusunda COVID-19 aşkarlandığı üçün komanda karantinə alınıb. UEFA açıqlamasında “Drita”ya 0:3 hesablı texniki məğlubiyyət verildiyini və “Linfild”in birinci təsnifat mərhələsinə yüksəldiyini qeyd edib.
“Linfild” birinci təsnifat mərhələsində Polşa çempionu “Legiya” ilə qarşılaşacaq.
Bölmənin digər xəbərləri
