UKRAYNA İRANDA ZƏLZƏLƏDƏN ZƏRƏR ÇƏKƏNLƏRƏ YARDIM GÖSTƏRİR

28.12.2003 [21:19]
Çap et
A⁺ A^-

AZƏRTAC-ın Kiyevdəki xüsusi müxbirinin xəbər verdiyi kimi, Ukrayna Prezidenti Leonid Kuçma Nazirlər Kabinetinə İranın Bəm şəhərində zəlzələdən zərər çəkənlərə təcili yardım göstərilməsi üçün tədbir görülməsini tapşırmışdır. Bununla əlaqədar dekabrın 27-də axşam İrana Yak-42 təyyarəsi ilə 20 nəfərdən ibarət xilasedici, o cümlədən itlərlə birlikdə 4 kinoloq, 1 həkim və 15 xilasedici göndərilmişdir.

AZƏRTAC-ın müxbirinin Ukrayna Fövqəladə Hallar Nazirliyinin mətbuat xidmətindən aldığı xəbərə görə, dekabrın 28-də Kiyevin Borispol hava limanından daha bir təyyarə, humanitar yük vurulmuş İl-76 təyyarəsi İrana yola düşmüşdür. Bu reyslə Bəmə gedən 80 nəfər yüksək ixtisaslı mütəxəssis şəhər sakinlərinə tibbi yardım göstərəcəkdir. İrana göndərilən 20 ton texnika arasında 11 pnevmomodul, həyatı təmin edən avadanlıqlar, suyu təmizləyən qurğular, ərzaq və dava-dərman da var.

UKRAYNA İRANDA ZƏLZƏLƏDƏN ZƏRƏR ÇƏKƏNLƏRƏ YARDIM GÖSTƏRİR

MÜƏLLİFLƏ ƏLAQƏ

Bölmənin digər xəbərləri