Ukraynada 100-ə yaxın insan koronavirusa yoluxub

Kiyev, 24 mart, AZƏRTAC

Ukraynada artıq 97 nəfər yeni növ koronavirusa yoluxub.

AZƏRTAC xəbər verir ki, bu barədə Ukraynanın Səhiyyə Nazirliyi məlumat yayıb.

Bu gün Çernovtsı vilayətində daha 13 nəfərin yeni növ koronavirusa yoluxması təsdiq edilib.

Kiyev şəhərində 29 nəfər koronavirusa yoluxub. Kiyev meri Vitali Kliçko bəyan edib ki, vəziyyət daha da pisləşsə şəhərə giriş-çıxış bağlanacaq.

Ukraynanın 10 vilayətində koronovirusla bağlı fövqəladə vəziyyət elan edilib. Bu virusdan isə 3 nəfər həyatını itirib.

Qeyd edək ki, Ukraynada aprelin 4-dək bütün beynəlxalq uçuşlar dayandırılıb, karantin elan edilib. Karantinin müddətinin uzadılması gözlənilir.

Emil Hüseynli

AZƏRTAC-ın xüsusi müxbiri

Kiyev

MÜƏLLİFLƏ ƏLAQƏ