Ukraynada 73 nəfər koronavirusa yoluxub
Kiyev, 23 mart, AZƏRTAC
Ukraynada koronavirusa yoluxanların sayı 73 nəfərə çatıb.
AZƏRTAC xəbər verir ki, bu barədə Ukraynanın Səhiyyə Nazirliyi məlumat yayıb. Artıq 114 nəfər koronavirusa yoluxma şübhəsi ilə xəstəxanaya yerləşdirilib. Koronavirusa yoluxma faktı ən çox Kiyev şəhərində qeydə alınıb - 29 nəfər.
Ukraynanın Çernovtsı, Jitomir, Kiyev, Dneprpetrovsk, İvano-Frankovsk, Donetsk vilayətlərində, həmçinin Kiyev və Lvov şəhərlərində də koronavirusa yoluxma faktları qeydə alınıb. Bu virusdan isə 3 nəfər həyatını itirib.
Qeyd edək ki, Ukraynada aprelin 4-dək bütün beynəlxalq uçuşlar dayandırılıb, karantin elan edilib. Karantinin müddətinin uzadılması gözlənilir.
Emil Hüseynli
AZƏRTAC-ın xüsusi müxbiri
Kiyev
Bölmənin digər xəbərləri
