Ukraynada rəsmi qeydiyyatdan keçmiş 5 milyona yaxın məcburi köçkün var
Kiyev, 18 mart, AZƏRTAC
Ukraynada rəsmi qeydiyyatdan keçmiş 5 milyona yaxın məcburi köçkün var.
AZƏRTAC xəbər verir ki, bu barədə telemarafonda Ukrayna Ali Radasının Dövlət hakimiyyətinin təşkili, yerli özünüidarəetmə, regional inkişaf və şəhərsalma komitəsinin rəhbəri Yelena Şulyak bildirib.
Deputat xatırladıb ki, Ukraynanın beynəlxalq tərəfdaşları hələ 2023-cü ildə “Bərpa” proqramına qoşulublar.
“Birinci proqramı zədələnmiş mənzil komponenti ilə işləməyə başlayan Dünya Bankıdır. 2024-cü ildə Avropa Şurasının İnkişaf Bankı da qoşuldu - onlar ilk 100 milyon avronu, o cümlədən dağılmış mənzillərə aid olan komponenti təmin etdilər. 2025-ci il üçün də müvafiq sazişlər imzalanıb ki, bu da daha 100 milyon avronun evləri dağıdılan insanlara sərf edilməsinə və onların mənzil sertifikatları ilə təmin olunmasına imkan verəcək”, - deyə Şulyak bildirib.
Deputat əlavə edib ki, ötən ilin sonunda Ukrayna hökuməti mənzilsiz qalan köçkünlərə dəstək üçün 15 milyard qrivna ayırmaq qərarına gəlib. Onun sözlərinə görə, bu pul Ukraynanın nəzarətində olan ərazidə evləri dağıdılan məcburi köçkünlərə aiddir.
Kiyev
Bölmənin digər xəbərləri
