Ümummilli lider Heydər Əliyevin xatirəsinə həsr edilən mini-futbol yarışının püşkatma mərasimi keçirilib
Bakı, 10 may, AZƏRTAC
"AtaBank" ASC-nin dəstəyi ilə "AtaHolding" Şirkətlər Qrupunun və "Synergy Group" ASC-nin əməkdaşları arasında ümummilli lider Heydər Əliyevin xatirəsinə həsr edilən mini-futbol yarışının püşkatma mərasimi keçirilib.
Bankdan AZƏRTAC-a bildiriblər ki, "AtaBank"ın kommunikasiyalar və PR şöbəsinin rəisi Oruc İbrahimov turnirin əhəmiyyətindən danışaraq reqlament barədə məlumat verib. Sonra 12 komanda arasında püşkatma həyata keçirilib. Püşkatmanın nəticələrinə əsasən, iştirakçılar 3 qrupa bölünüb. Qruplarda 1-ci və 2-ci yerləri tutacaq, həmçinin 3-cü yerdə qərarlaşacaq ən yaxşı 2 komanda dörddəbir finala vəsiqə qazanacaq. Bu mərhələnin qalibləri yarımfinal, 3-cü yer və final mərhələsində iştirak edəcək.
Bölmənin digər xəbərləri
