DÜNYA
UN-Habitat terrorla mübarizə üzrə qlobal koordinasiya sazişinə qoşulub
![UN-Habitat terrorla mübarizə üzrə qlobal koordinasiya sazişinə qoşulub](/files/2024/1/1200x630/171152147336402517_1200x630.jpg)
Bakı, 27 mart, AZƏRTAC
BMT-nin Məskunlaşma Proqramı (UN-Habitat) terrorizmlə mübarizə üzrə koordinasiya sazişinə qoşulub.
AZƏRTAC Sinxua agentliyinə istinadla xəbər verir ki, son əlavə nəzərə alınmaqla, BMT-də ən böyük koordinasiya çərçivəsi olan terrorla mübarizə sazişi 47 qurumu əhatə edir.
“BMT-nin Məskunlaşma Proqramı bu sistemə qoşularaq, terrorizmə qarşı maliyyələşdirilmə məsələlərinin həllində yüksək əhəmiyyətli mövqe nümayiş etdirəcək”, - deyə Birləşmiş Millətlər Təşkilatının terrorla mübarizə üzrə qlobal koordinasiya sazişinin sədri Vladimir Voronkov bildirib.
Qərargahı Keniyanın Nayrobi şəhərində yerləşən UN-Habitat bilik, siyasi məsləhət, texniki yardım vasitəsilə yaşayış məskənlərində transformativ dəyişikliyi təşviq etmək üçün 90-dan çox ölkədə çalışır.
2018-ci ilin dekabrında təsis edilən saziş BMT-nin qlobal terrorla mübarizə strategiyasının həyata keçirilməsində üzv dövlətlərə ardıcıl və əlaqələndirilmiş dəstək üçün əsas institusional vasitədir.