Voleybol hakimimiz Eldar Zülfüqarov yeni ildə ilk beynəlxalq təyinatını alıb
Bakı, 7 yanvar, AZƏRTAC
Azərbaycanın voleybol hakimi Eldar Zülfüqarov yeni ildə ilk beynəlxalq təyinatını alıb.
AZƏRTAC xəbər verir ki, o Türkiyədə qadın voleybolçulardan ibarət “Fənərbağça” və Almaniyanın “Ştutqart” komandaları arasında Çempionlar Liqasının qrup mərhələsinin dördüncü turunun oyununu idarə edəcək.
İstanbulda, Burhan Felek Voleybol Mərkəzində keçiriləcək oyunda E.Zülfüqarova rumıniyalı Paul Szabo-Aleksi kömək edəcək.
Qeyd edək ki, qarşılaşma yanvarın 18-də keçiriləcək.
Bölmənin digər xəbərləri
