XAÇMAZDA REGİONAL TV KANALI FƏALİYYƏTƏ BAŞLAMIŞDIR
AZƏRTAC-ın müxbiri xəbər verir ki, Azərbaycanın efir məkanına daha bir televiziya qoşulmuşdur. Xaçmazda regional TV (RTV) kanalı açılmışdır.
Ən son rəqəmsal texniki avadanlıqla təchiz edilmiş RTV şimal regionunda 43-cü kanalla yayımlanacaqdır. Burada ölkəmizdə analoqu olmayan daxili şəbəkə Play Box sistemi qurulmuşdur. Televiziyanın 4 studiyası, 40-a yaxın əməkdaşı vardır. Əməkdaşlar arasında əvvəllər televiziyada işləyənlər də vardır. Təcrübəsizlər Türkiyədə və Azərbaycanda ixtisasartırma kurslarında olmuşlar.
Açılış mərasimində Milli Televiziya və Radio Şurasının sədri Nuşirəvan Məhərrəmli, Xaçmaz RTV-nin baş direktoru Rüstəm Əliyev, Xaçmaz Rayon İcra Hakimiyyətinin başçısı Şəmsəddin Xanbabayev çıxış etmişlər.
Qırmızı lent kəsildikdən sonra mərasim iştirakçıları yaradıcı kollektivin iş şəraiti, studiyalarla tanış olmuşlar.
Bölmənin digər xəbərləri
