Xalqımız 20 Yanvar şəhidlərinin xatirəsini daim uca tutacaqdır
Bakı, 18 yanvar (AZƏRTAC). Azərbaycan Memarlıq və İnşaat Universitetində 20 Yanvar faciəsinin 21-ci ildönümünə həsr olunmuş anma mərasimində şəhidlərin xatirəsi bir dəqiqəlik sükutla yad edilmişdir.
AZƏRTAC xəbər verir ki, tədbir iştirakçıları əvvəlcə universitet şəhidlərinin şərəfinə yaradılan guşənin qarşısına gül-çiçək dəstələri düzmüşlər.
Universitetin rektoru, Milli Məclisin deputatı, professor Gülçöhrə Məmmədova 1990-cı il yanvarın 20-də imperiya ordusunun Bakıda və ölkəmizin digər bölgələrində qanlı cinayətlər törətdiyini bildirmiş, xalqımızın azadlığı yolunda həlak olan Vətən övladlarının xatirəsinin daim yaşayacağını demişdir.
Qeyd edilmişdir ki, 20 Yanvar hadisələri Azərbaycanın tarixinin qanlı, eyni zamanda şanlı səhifəsinə çevrilmişdir.
Tələbələr çıxışlarında 20 Yanvarın Azərbaycan xalqının milli azadlıq mübarizəsi tarixində xüsusi yerini vurğulamışlar.
Bölmənin digər xəbərləri
