Xankəndidə 37 il əvvəlin məzunları yarımçıq qalan “Son zəng”i qeyd ediblər
Xankəndi, 14 iyun, AZƏRTAC
Bu gün Xankəndi şəhər N.Gəncəvi adına 4 nömrəli orta məktəbdə keçirilən “Son zəng” tədbirində 1987-1988-ci tədris ilində təhsil almış məzunlar da iştirak ediblər. Onlar 1988-ci ildə Qarabağda başlayan hadisələrlə bağlı keçirə bilmədikləri “Son zəng”i 37 il sonra qeyd ediblər.
AZƏRTAC-ın bölgə müxbiri xəbər verir ki, mərasimdə 37 il əvvəlki günlərdən, həmçinin Azərbaycan Silahlı Qüvvələrinin 44 günlük Vətən müharibəsində qazandığı şanlı Qələbə və Qarabağ bölgəsində həyata keçirilən lokal xarakterli antiterror tədbirləri sayəsində Qarabağ və Şərqi Zəngəzurun işğaldan azad edilməsindən şükranlıqla bəhs edilib.
1988-ci ilin məzunları səmaya sülh göyərçinləri buraxıblar. Məzunlar, həmçinin Birinci Qarabağ müharibəsində - 1992-ci ildə şəhid olan sinif yoldaşları Fərhad Atakişiyevin Ağcabədidəki məzarını ziyarət edərək qəbri üstə gül dəstələri düzüblər.
Bölmənin digər xəbərləri
