Xətai rayonunda soyğunçuluq etmiş keçmiş məhkum tutulub
Bakı, 2 dekabr, AZƏRTAC
Xətai Rayon Polis İdarəsinin 36-cı polis bölməsinə dekabrın 1-də Gəncə prospektində Bakı şəhər sakini M.İsmayılova zor tətbiq edilməklə 300 manat məbləğində pulunun və mobil telefonunun alınması barədə məlumat daxil olub.
Daxili İşlər Nazirliyinin mətbuat xidmətindən AZƏRTAC-a bildiriblər ki, soyğunçuluq əməlini törətməkdə şübhəli bilinən Şəmkir rayon sakini, əvvəllər məhkum olunmuş A.Əsgərli polis əməkdaşlarının keçirdikləri əməliyyat-axtarış tədbirləri nəticəsində müəyyənləşdirilərək saxlanılıb.
Faktla bağlı rayon polis idarəsi tərəfindən araşdırma aparılır.
Bölmənin digər xəbərləri
